တစ်ဘ၀စံ

ညညဆို မက်တဲ့အိမ်မက်တွေထဲမှာ အမြှောက်ဆန်တွေပါသည်။
သေနတ်သံတွေကြားနေရသည်။
ဟော ကောင်လေးတစ်ယောက်ခွေခနဲလဲသွား။
ဟင်သူ့နောက်မှာ နံပါတ်တုတ်နဲ့ လူတစ်ယောက်။
သူကဘာလို့ရိုက်ရတာလဲ။ သူကပုလိပ်လဲမဟုတ်ဘဲနဲ့။
ဟဲ့သူက စွမ်းအားရှင်ဟဲ့ တဲ့။
ဘယ်ကမှန်းမသိတဲ့အသံတစ်ခုကပြော။

မဟာဆွေနဲ့တက္ကသိုလ်ဘုန်းနိုင်တို့ရဲ့ တော်လှန်ရေးတွေ။
ကျောင်းသားသပိတ်ဆိုတာကရော။
ကိုအောင်ဆန်းနဲ့ ကိုနု အခုဘယ်မှာလဲ။
လွတ်လပ်ရေးရတာပဲကြာခဲ့ပြီ။
ငါတို့ပြည်သူတွေအခုအချိန်ထိ လွတ်မြောက်ရေးနဲ့ဝေးနေတုန်းပဲ။
တို့ ဗိုလ်ချုပ်သာသိရင် ဘယ်လောက်ရင်နာလိုက်မလဲ။
သီပေါမင်းလက်ထက်မှာ ပျက်သုဉ်းခဲ့တဲ့တို့နိုင်ငံ။
ဗိုလ်ချုပ်တို့ကြောင့်ရှင်သန်ခဲ့ရ။
ဟော အခုတော့ တို့နိုင်ငံလည်း ကျီးလန့်စာစား။
ကမ္ဘာမှာမြန်မာလို့လည်း မမော်ကြွားနိုင်သေးပါလား။
ဒါပေမယ့် ကိုယ့်လူကိုယ်ပြန်သတ် လူစွမ်းကောင်းလုပ်ရပ်ကြောင့်တော့
အနယ်နယ်အရပ်ရပ်မှာနာမည်ထွက်တယ်။
သင်းတို့ပျော်နေကြပြီလား။
ခေတ်အဆက် လက်ကမ်းခဲ့တဲ့ လွတ်လပ်ရေးပုံပြင်တွေ
ကိုယ်တိုင်မတိုက်ခဲ့ရပေမယ့်
ဒီသွေးတွေစီးဆင်းဆဲပါ
ငါတို့သွေးဘယ်လောက်နီလဲ သင်းတို့သိစေမယ်။
ကျောင်းသားကိုသတ်၊ ဘုရားသားကိုသတ်လို့
သင်းသေနတ်နဲ့ဗိုလ်လုပ်
အေး သင်းတို့ ငရဲမှာတော့ ဘုရင်လုပ်ချင်လို့မရဘူး။
၁၉၈၈ မှသည် ၂၀၀၈ အထိ ဒီမြေပေါ်မှာစွန်းထင်းခဲ့တဲ့သွေးတွေ
သင်းတို့သေပေးရင်တောင်ငါမကျေဘူး။

ပုဂံဖွားစော